السلام عليكم ورحمه الله وبركاته النهارده هنتكلم النهارده عن واحدة من انماط MBTI الستة عشر . معانا نمط المهندس ولها كذا اسم منهم العقل المدبر المعماري او INTJ كلهم اسماء لنفس النمط ،نمط شخصية المهندس INTJ واحد من المحللون الاربعة . معني INTJ ؟ هو اختصار ل نمط واحد من ستة عشر نمط من الشخصيات بناء علي مؤشر ماير بريجز MBTI، و INTJ كل حرف بيشير لسمة اساسية من سمات الشخصية الاربعة حرف I رمز ل ( Introversion ) انطوائي وده معنان انه بيشحن طاقته عن طريق الجلوس بفرده في كهفه الخاص حرف N رمز ل (Intuition ) حدسي ومعناه انه بيهتم بالتركيز علي الافكار والمفاهيم بدل من الحقائق والتفاصيل حرف T رمز ل ( Thinking ) عقلاني ومعناه انه بياخد القرارات بناءً على المنطق والعقل حرف J رمز ل (Judging ) صارم وده معناه انه بيفضل التخطيط والتنظيم صفات نمط المهندس INTJ المهندس INTJ هو ثالث اندر نمط بنسبة ٢٪ من سكان الكوكب ، و ٣٪ في الرجال و ١٪ بس من النساء وهي اندر شخصية في النساء . المهندس INTJ هو أحد المحللون انطوائي حدسي عقلاني وصارم . مش ...
السلام عليكم ورحمة الله وبركاته.
اهلا بيكم معانا في مدونة Ruknowledge (ركنوليدج).
النهارده موضوعنا عن علاقة المصرين القدماء باكبر زاحف لسه موجود علي الأرض وهو التمساح في مصر القديمة.
مافيش شعب حب الحيوانات زي المصرين القدماء، تقريباً معظم معبودتهم له رمز حيوان، زي المعبودة حتحور ورمزها البقرة، المعبود أنوبيس ورمزه ابن آوي او الذئب الافريقي، والمعبود سبوك ورمزه التمساح النيلي.
معبد الإله سوبك
تمت عبادة سبوك في الفيوم وفي كوممبو في معبد مشترك ل الإله سوبك و الإله حورس ويعتقد علماء الآثار انه تم عبادة سبوك في كل أنحاء مصر القديمة، بسبب انتشار مومياوات التمسايح المحنطة.
كان يرمز الاله سوبك للخصوبة وكانت تستخدم التمائم علي شكله للحماية ولحماية الملك والجنود.
تم تصوير الاله سبوك في هيئة انسان برأس تمساح، او في هيئة تمساح مرتكز عل أقدامه الاربعة او مرتكز علي قدميه الخلفيتين.
عدد المومياوات الكبير الي تم اكتشافه في الفيوم او في أسوان وأماكن اخري في مصر القديمة ، بيدل ان تم ترويضها وتكاثرها وتربيتها بهدف التجارة.
الادلة علي ان تم ترويض التماسيح وتربيتها في مصر القديمة نادرة، ولكن احنا عارفين ان تم تربية الحيوانات واستأناثها في مصر القديمة وفي ادلة كتير، فالبالتالي غير مستبعد ان تم تربية التماسيح في مصر القديمة.
وتم اكتشاف ما يشبه مفرخة وحضانة لتربية التماسيح وتكاثرها في الفيوم، وتم اكتشاف عدد كبير من البيض المدفون في حفر عميقة في الأرض، وبعد فقس البيض، كان بيتم تربيتها في احواض ماء ضحلة، لحين التضحية بيها وتحنيطها وتقدمها قربان ل الإله سوبك.
و لذالك يعتقد ان الطلب علي التماسيح المحنطة كان كبير جدا، وكان بيتم تحنطية يطقوس كاملة، وبطريقة مماثلة لطريقة تحنيط الملوك، ويدفن في مقبرة خاصه بيه، وبيدفن مع قرابين أواني فخارية مليانة بالطعام.
وهنا يكون خلص موضوعنا النهارده، لو اول مرة بتشوف مدونة Ruknowledge (ركنوليدج)، شوف المواضيع اللي فاتت هتعجبك باذن الله، وما تنسوش موضوعتنا بتنزل كل يوم سبت وثلاثاء من كل اسبوع، مع السلامة.
تعليقات
إرسال تعليق